Poe Nyunda

Senin, 04 Februari 2019. “Rojong budaya sunda dina poe nyunda” mangrupi tema acara poe nyunda taun ieu. Acara ieu rutin diayakeun ku MTs Asih Putera. Acara poe nyunda di isi ku kaulinan barudak sapertos oray-orayan, kakawihan sareng masak katuangan khas sunda. Kaulinan ieu mangrupi kaulinan khas sunda anu tos jarang pisan katinggal di jaman kiwari. Di isi oge ku lomba maca dongeng sareng lomba maca sajak. Tujuanna nyaeta ngumumule bahasa sunda kusabab salah sahiji indikator anu paling nyata tina budaya nyaeta bahasa. Basa Sunda bagian tina kabudayaan sunda anu kiwari tos luput eksistensina. Nu jadi pertarosan lamun bahasa sunda jarang di gunakeun ku urang pribumi tangtuna bisa katebak lila-lila basa sunda bakal leungit, tinggal sajarahna, naskah-naskah bakal dianggap kuno, tinggal obrolan yen bahasa sunda teh pernah aya. Acara puncakna nyaeta papasakan olahan sunda anu ngolahna nyaeta barudak. Aya nu ngolah surabi, combro, cilok, bandros, surandil, cilor, bola ubi jeung sajabana. Tina kagiatan-kagiatan di harapkeun barudak leuwih mikacinta basa sunda tur kabudayaannana. (Ani Maryani, S.Th.I.)